![](https://technimum.com/wp-content/uploads/2023/05/K_.png)
Ümumiyyətlə, Azərbaycanda qlobal brendlərin adının sosial şəbəkə istifadəçilərini aldatmaq üçün yem kimi istifadə olunduğu hücumlar çoxalıb.
Məşhur bir brend onlayn fırıldaqçılar tərəfindən istifadə edilən əla tələdir. Tanınmış brendin və ya ictimai şəxsin adı elana diqqət çəkir və ona olan inamı artırır, çünki insanlar böyük şirkətlərin dələduzluq etməyəcəyini düşünə bilərlər. Bunu bilən təcavüzkarlar öz sxemlərində təşkilatların və ulduzların adlarının arxasında gizlənməkdən çəkinmirlər. Ən məşhur nümunələrdən biri böyük bazarların adından messencerlərdə və ya sosial şəbəkələrdə yayılan iş təklifləridir.
İstifadəçiləri qurbana çevrilməmək və şəxsi məlumatları təqdim etməmək barədə necə xəbərdar etmək olar?
Hər şeydən əvvəl şəxsi məlumatlarınızın dəyərli olduğunu unutmayın. Xüsusilə əgər söhbət bank kartı məlumatları, ya sosial şəbəkə və messencer hesabları və digərləri haqqında gedirsə. Məlumatlarınızı ələ keçirən təcavüzkarlar bank tətbiqinizin şifrəsini götürə, sizin adınızdan istənilən xidmətdə qeydiyyatdan keçə və sizin adınıza saxtakarlıqlar edə, kredit və ya bir günlük şirkət almağa cəhd edə bilərlər. Buna görə də, əgər kimsə sizdən hər hansı bir bəhanə ilə şəxsi məlumatlarınızı – hesablara girişlər, şifrələr, SMS şifrələri və “push” bildirişləri söyləməyinizi istəyərsə, bunu etməyin. İki faktorlu autentifikasiya qurun və şübhəli mesajlardakı linklərə klikləməyin, hətta onlarda çox səxavətli vədlər versə elə. Əgər siz bir brend adından işləməyə dəvət olunsanız və hansısa bir işi tamamlamaq üçün linkə klikləmək, rüsum ödəmək və ya məlumat təqdim etmək tələbi ilə üzləşsəniz, həmin təşkilatın vebsaytında həqiqətən də bu vakansiya üçün elan olub-olmadığını yoxlayın. Şəxsi sayıqlıqla yanaşı zərərli proqramlardan, fişinqdən və fırıldaqçılıqdan qoruyan təhlükəsizlik həlli ilə də müdafiə tədbirlərini gücləndirə bilərsiniz.
Dünya üzrə sosial şəbəkə istifadəçiləri ilə oxşar vəziyyət necədir?
Sosial şəbəkələrdə də dələduzluq mesajları ala bilərsiniz. Hətta güvəndiyiniz bir kontaktdan məktub alsanız belə, ayıq-sayıq olmaq lazımdır, çünki bu şəxsin hesabı daha əvvəldən sındırıla bilər.
Qlobal brendlər istifadəçiləri adlarından sui-istifadə və imiclərinin pozulması ilə bağlı xəbərdar etmək üçün özləri tədbirlər görürlərmi?
Şirkətlərin öz saytlarında və ya sosial şəbəkələrdə fırıldaqçıların onların adından hərəkət etdiyi barədə xəbərdarlıqlar yerləşdirdiyi hallar mövcuddur. Bununla belə, əgər bu cür bildirişlər görməsəniz belə, düşünməyin ki, təcavüzkarlar onların adlarının arxasında gizlənə bilməzlər.