“McLaren Racing” şirkəti bu günkü açıqlamasında Mastercard-ın 2026-cı ildən etibarən “McLaren Formula 1 Komandası”nın Rəsmi Adlandırma Tərəfdaşı olacağını elan edib.
Gələn mövsümdən etibarən komanda “McLaren Mastercard Formula 1 Komandası” kimi tanınacaq və təkcə tərəfdaşlıq üçün deyil, dünya üzrə “McLaren Racing” azarkeşləri üçün maraqlı yeni dövrün başlanğıcc olacaq. Bu genişləndirilmiş əməkdaşlıq pərəstişkarlar üçün eksklüzivlər, pərdəarxası tədbirlərə giriş və bənzərsiz təcrübələri əlçatan edərək daha çox imkanlar açacaq.
Azarkeşlər üçün ilk vədini yerinə yetirən Mastercard özünün “Qiymətsiz Komanda” (Team Priceless) təşəbbüsünü ilk dəfə təqdim etməyə hazırlaşır – “Papaya” (McLaren F1 komandasının istifadə etdiyi narıncı rəngi bildirən söz) pərəstişkarları komandaya və yarış təqvimi boyunca yarış pistindəki həyəcana daha yaxın olacaq və pistdə və ondan kənarda xüsusi proqramlardan faydalana biləcəklər. Seçilmiş yarış günlərində seçilmiş azarkeşlər “qaynar” yarış dövrələrindən tutmuş sürücülərlə görüşə və ev sahibi şəhərin yerli mədəniyyətini vurğulayan “Qiymətsiz Təcrübələrə” (Priceless Experiences) qədər inanılmaz təcrübələrdən həzz alacaqlar. “Qiymətsiz Komanda” haqqında ətraflı məlumat və işə qəbul prosesi tezliklə elan ediləcək.
Əməkdaşlığın bu yeni mərhələsinin rəsmi təqdimatı üçün Mastercard bu həftəsonu Hollandiya Qran Prisi öncəsi – 27 avqust çərşənbə günü axşam Amsterdam şəhərində möhtəşəm canlı azarkeş tədbirinə ev sahibliyi edəcək. Tədbir pərəstişkarlarına “McLaren Formula 1” komandasının sürücüləri Lando Norris və Oskar Piastrinin səhnə çıxışları, canlı musiqi performansları və daha bir çox sürpriz gözləyir.
“McLaren Racing”in CEO-su Zak Braun: “Bizim üçün möhtəşəm azarkeşlərimizdən daha vacib heç kim yoxdur, ona görə də bütün dünyada “Papaya” ailəmizə söz verərək Mastercard ilə əməkdaşlığımızın bu növbəti fəslinə başlamaqdan olduqca məmnunam: biz azarkeşlərimizi hər kəsdən öndə tutmağa davam edəcəyik, onları komandaya daha da yaxın edəcək və Mastercard təcrübəsini bizimlə daha da əlçatan edəcəyik. Mastercard yarış ehtirasımızı və dəyərlərimizi bölüşən fantastic tərəfdaşdır, odur ki, adlandırma tərəfdaşı kimi onların göyərtədə olması bizə yolda və yoldan kənarda irəliləməyə davam etmək üçün mükəmməl imkanlar təklif edəcək və mən “Qiymətsiz Komanda”nın həyata keçiriləcəyi günü səbirsizliklə gözləyirəm.”
Mastercard-ın Marketinq və kommunikasiyalar üzrə baş direktoru Raja Rajamannar: “Bizim tərəfdaşlığımız ilk gündən azarkeşləri ən ön sıraya qoymaq üzərində qurulub və ‘McLaren Formula 1 Komandası’nın Rəsmi Adlandırma Partnyoru olmaq bu öhdəliyimizi yeni səviyyəyə qaldırır. ‘McLaren Racing‘ yenilik, dəqiqlik və performansın, sərhədləri aşıb qalibiyyət təcrübələrini təqdim edən ruhumuzu əks etdirən dəyərlərin zirvəsini təmsil edir. ‘Qiymətsiz Komanda’ kimi əməkdaşlıqlar bu dəyərləri əks etdirir və azarkeşlərə bu mövsüm və daha çoxunu səbirsizliklə gözləmək üçün çox sayda səbəb verir.”
“McLaren Racing” haqqında
“McLaren Racing” yarış pilotu Bryus Maklaren (McLaren) tərəfindən 1963-cü ildə yaradılıb. Komanda ilk Formula 1 yarışına 1966-cı ildə çıxıb. Maklaren o vaxtdan bəri Formula 1 üzrə 21 dünya çempionluğu və 200 Formula 1 Qran Prisi qazanıb, eləcə də üç dəfə “İndianapolis 500” və ilk cəhdində “Le Mans 24 Saat” yarışında qalib gəlib.
“McLaren Racing” beş yarış seriyası üzrə yarışır. Komanda McLaren F1 pilotları Lando Norris və Oskar Piastri ilə FIA Formula 1 Dünya Çempionatında, “Arrow McLaren” pilotları Pato O’Vard, Nolan Sigel və Kristian Lundqaard ilə “NTT INDYCAR SERIES”də və “Sürücü inkişaf proqramı”nın üzvü Ella Lloyd ilə F1 Akademiyasında yarışır. Komanda həmçinin “F1 Sim Racing” Çempionatında “McLaren Shadow” adı altında çıxış edir.
“McLaren Racing” idmanda dayanıqlılıq üzrə liderdid və BMT-nin İqlim Fəaliyyəti üzrə İdman Öhdəliyini imzalayan şirkətlərdən biridir. O, 2040-cı ilə qədər xalis sıfır tullantılya nail olmaq və avtoidman sənayesində mədəni müxtılifliyi və inklüzivliyi təşviq etmək öhdəliyi götürüb.
McLaren Racing – Rəsmi vebsaytı
Mastercard haqqında
Mastercard dünya üzrə 200-dən çox ölkə və ərazidə iqtisadiyyatları və insanları dəstəkləyir. Müştərilərimizlə birgə hər kəsin inkiaf edə biləcəyi dayanıqlı iqtisadiyyat qururuq. Biz geniş çeşiddə rəqəmsal ödəniş seçimlərini dəstəkləyir, əməliyyatları təhlükəsiz, sadə, ağıllı və əlçatan edirik. Texnologiyamız və yeniliklərimiz, tərəfdaşlıqlarımız və şəbəkələrimiz birləşərək insanlara, müəssisələrə və hökumətlərə ən böyük potensiallarını reallaşdırmağa kömək edən unikal məhsul və xidmətlər dəsti təqdim edir.