Bakı, 29.10.2024 – Mastercard iqtisadiyyatları gücləndirmək və insanlara dəstək olmaq öhdəliyini bir daha təsdiq edərək Ətraf Mühit, Sosial və İdarəetmə (ESG) Hesabatını dərc edir. “Yaxşı işlər görməklə uğur əldə etmək” prinsipindən yola çıxan Mastercard-ın ödənişlərin genişləndirilməsi, xidmətlərin artırılması və yeni şəbəkələrin əhatə olunması üzrə strateji prioritetləri ESG prinsiplərinə olan sadiqliyi ilə vurğulanır.
2023 ESG Hesabatı Mastercard-ın uzunmüddətli səyahətini və standartlarını nümayiş etdirərək iddialı hədəflərə doğru irəliləyişini əks etdirir. 2023-cü ildə Mastercard-ın İnsanlar, Rifah və Planet mövzuları üzrə əsas nailiyyətləri aşağıdakılardır:
İnsanları tam potensiallarına çatması üçün dəstəkləmək:
• Qadın işçilər üçün qlobal ortalama maaşı kişi işçilərin ortalama maaşının 96.4%-nə çatdıraraq maaş bərabərliyini təmin edib.
• 2014-cü ildən bəri “Girls4Tech™” proqramı vasitəsilə 6.8 milyon qıza təhsil verib və qarşıya qoyulmuş hədəfləri iki il öncədən üstələyib.
Dünyada rifahı təşviq etmək:
• 870 milyondan çox insanı rəqəmsal iqtisadiyyata qoşub və 48 milyon kiçik müəssisəyə dəstək göstərib, nəticədə 2025-ci il üçün müəyyən edilmiş hədəflərə yaxınlaşıb.
• 25 milyon olaraq müəyyən edilmiş hədəfi aşaraq 37 milyon qadın sahibkara həllər təqdim edib.
• “Mastercard Strive” təşəbbüsü vasitəsilə xidmətləri 12 milyon mikro və kiçik müəssisəyə çatıb.
• 5 milyon istifadəçi “Community Pass” platformasında qeydiyyatdan keçib.
Gələcək nəsillər üçün planetimizi qorumaq:
• Korporativ inkişaf siyasətində karbon tullantılarına xüsusi diqqət ayırıb və gəlirlərin 13%-lik artımına qarşı emissiyaların illik 1% azaldılmasına nail olub.
• 2023-cü ildə 1 və 2-ci mərhələ emissiyaları 48%, 3-cü mərhələ emissiyaları isə 2016-cı illə müqayisədə 40% azaldıb, 2025-ci il üçün müəyyən edilmiş qısamüddətli hədəflərə çatmaq baxımından irəliləyiş əldə edib.
• 2028-ci ilə qədər ödəniş kartlarının istehsalında PVC plastic xammalı tamamilə ləğv etmək səylərini sürətləndirir.
Mastercard öz əməkdaşlarını, texnologiyasını, resurslarını, tərəfdaşlıqlarını və bilik və təcrübəsini istifadə edərək müsbət və dayanıqlı təsir yaratmağa, gələcək üçün bazarlar yaratmağa çalışır. Şirkət müsbət təsirini genişləndirmək üçün əməkdaşlıqları davam etdirməyi və yeni imkanlar axtarmaq səylərini gücləndirir.
Daha inklüziv və davamlı bir dünya qurmaq üçün göstərdikləri davamlı dəstəyə görə tərəfdaşlarımıza təşəkkür edirik.