Şirkət haqda

«Azerfon» şirkəti fəaliyyətinə 2007-ci ilin 21 mart tarixində «Nar Mobile» ticarət nişanı ilə başlamışdır və qısa vaxt ərzində Azərbaycanın telekommunikasiya və mobil rabitə sahəsində fəaliyyət göstərən qabaqcıl şirkətlərdən birinə çevrilmişidir.

Nar ticarət nişanı Azərbaycanın zəngin mədəni irsinin müasir həyatla bağlılığının rəmzi kimi seçilmişdir.
Şəbəkə Azərbaycanın 80%-ni əhatə edir. Hazırda abunəçilərinin sayı 2 milyondur.

Şirkət abunəçilərin rahatlığı və ödəmələrdə şəffaflığı təmin etmək məqsədilə Azərbaycan mobil bazarında ilk dəfə olaraq manat hesablama sistemli ödəniş üsulunu tətbiq edib. Bundan əlavə, Azərbaycanda ilk dəfə olaraq 3G (üçüncü nəsil) texnologiyalarına əsaslanan xidmətlər (video zəng, Mobil TV və s) göstərib.

Təqdim olunan yenilikçi layihələrdən biri də Azərbaycan Hava Yolları (AZAL) və İsveçrənin OnAir şirkətləri ilə birgə AZAL təyyarələrində mobil rabitə xidmətlərinin təmin olunmasıdır. AZAL ilə olan razılaşmaya əsasən artıq 2012-ci ilin sonundan etibarən abunəçilər hava məkanında da xidmətlərdən tam şəkildə faydalana bilirlər.

Hazırda şirkət FUTURE LAB İnnovativ Texnologiyalar Mərkəzinin yaradılması layihəsi üzərində işləyir. Bu layihə çərçivəsində gənc istedadlar və informasiya texnologiyaları sahəsində çalışan mütəxəssislər onlar üçün xüsusi olaraq ayrılmış laboratoriyalarda toplaşaraq perpsektiv ideyaların işlənib hazırlanması və tətbiqi üzərində çalışacaqlar. Dünyanın cəmi 5 ölkəsində mövcud olan bu növ mərkəz MDB məkanında ilk dəfə olaraq Azərbaycanda olacaqdır.

2011-ci ildə genişmiqyaslı təkmilləşdirmə işlərinə başlayaraq şirkət şəbəkəsinin genişləndirilməsi və gücləndirilməsi üçün 72,1 milyon manat (80 mln. dollar) sərmayə yatırıb.


Fəaliyyət: Mobil operator, GSM
Yaranma tarixi: 21 mart 2007
Qeydiyyat tarixi: 11 fevral 2014
Technimum idarəçisi: avatar Technimum
Rəhbərlik: Xəyyam Həsənli
İnformasiya Texnologiyaları üzrə Baş Müdir
Timuçin Kutar
Baş Texniki Müdir
Kent Maknili
Baş İcraçı Direktor
Leyla Nəsrullayeva
Satış və Xidmətlər üzrə Baş Müdir

Əlaqələr

Sayt: http://www.narmobile.az
Telefonlar: (012) 444 07 77
Faks: (012) 444 07 31
Yer:
Азербайджан , Баку,
Nizami, Heydər Əliyev, 106a, AZ 1029