İlk Addımlar növbəti əməkdaşlığa başladı!

“İlk Addımlar Akademiyası”“Xaricidil.net” saytı yeni əməkdaşlığa başladı. Xaricidil.net saytının istifadəçiləri xarici dilləri daha yüksək səviyyədə öyrənmək üçün uzunmüddətli kurs axtarışda olurlar. Yeni bağlanan əməkdaşlığın məqsədi kurs axtaran həmin istifadəçilərə Xaricidil.net saytı “İlk Addımlar akademiyası” daxilində tədris olunacaq dil kursları haqqında məlumat verəcək. Bununla da dil kursları axtarışında olanlar “İlk Addımlar Akademiyası” ilə əlaqə yarada biləcəklər.

Əməkdaşlığın mahiyyəti internet üzərindən virtual kurs-Xaricidil.net saytı və real kurs olan, eləcə də vebinarlar təşkil edən “İlkaddımlar Akademiyası” ilə birgə daha keyfiyyətli, bütöv xidmətlər təşkil etmək, təcrübə mübadiləsi apararaq daha da inkişaf edib, cəmiyyətə faydalı töhvə verməkdir.

Xaricidil.net saytı 1 iyun, 2009-cu il tarixindən fəaliyyətə başlayıb. Saytın qurulmasında əsas məqsəd ingilis dilini öyrənmək və bu dildə ünsiyyət qurmaq istəyən şəxslərə yardımçı olmaqdır. Saytda siz qrammatika dərslərini, gündəlik yeni sözləri öyrənə, onlayn ingilis dili testləri həll edə, sözlərin tələffüzünü dinləyə, xoşunuza gələn kliplərə baxaraq onların tərcüməli sözlərini oxuya, danışıq klubunda (conversation club) digər istifadəçilərlə ingilis dilində ünsiyyət qura bilərsiniz. Layihə həm ingilis dili öyrənməyə, həm mövcud dil bilgisini zənginləşdirməyə, həm də ünsiyyət qurmağa kömək etməyə doğru yönəldilib. Zaman-zaman ingilis dilindən əlavə müxtəlif dillərin tədrisi də nəzərdə tutulub. Layihə müəllifləri: Elvin Hacı və G.Paşayevadır. Xaricidil.net saytı Təhsil Nazirliyinin 2010-cu ildə keçirdiyi elektron təhsil müsabiqəsində “Ən yaxşı elektron resurs” nominasiyası üzrə qalib gəlib.

“İlk Addımlar akademiyası” “İlk Addımlar” tədris portalının başlatdığı Azərbaycanda İnformasiya Texnologiyaları (İT) sahəsində tədris almaq istəyənlərə köməklik göstərmək məqsədinin davamı olaraq növbəti atılan addımlardan biridir. Kurslarda İT sahəsində keçirilən dərslər Azərbaycanda bu sahəyə olan marağı daha da artırmağa köməkçi olur. Akademiyanın özəlliyi ondan ibarətdir ki, burada vebinarlar da təşkil olunur. Kursların keçirilmə vaxtı tələbələrin istəyi ilə təyin edilir. Dərslər ödənişlidir.

“İlk Addımlar” 2001-ci ildən fəaliyyət göstərən Azərbaycanda ilk təhsil portalıdır. Saytın məqsədi Azərbaycanda İnformasiya Texnologiyaları sahəsində ilk addımlarını atmaq istəyənlərə köməklik göstərmək, yeni texnologiyalar haqqında tədris materiallarını doğma dilimizdə istifadəçilərə təqdim etmək və bu sahədə bilikləri olanları bir yerə toplayıb, güclü bir İT tədris mərkəzi yaratmaqdır. Saytda olan məlumatların (Dərsliklər, referatlar və s) Azərbaycan dilində olması, Azərbaycanda İnformasiya Texnologiyalarına marağın artmasına kömək edir.

Aid olduğu bloglar

Ilkaddimlar.com

ilkaddimlar.com — Weboxu blogu

Oxucuları
76
Başlıqları
22
Reytinq
11.36

0 şərh

Yalnız qeydiyyatlı istifadəçilər şərh yaza bilər