"Azercell-lə həyat daha gözəldir" - 20 il


Azərbaycanın aparıcı mobil operatorlarından biri olan «Azercell» şirkəti fəaliyyətinin 20 illiyini qeyd edib. Azərbaycanın qürur duyacağı şirkət olmağı özünə əsas prinsip elan edən Azercell 1996-cı ildə təsis edilib. Şirkətin ilk təsisçiləri Türkiyənin «Türkcell İletişim Hizmetleri A.S» şirkəti və Azərbaycan Respublikasının Rabitə Nazirliyi olub.
Şirkət 1998-ci ildən etibarən isə SimSim — öncədən ödəmə sistemi tətbiq edib.


Azercell, həmçinin, mobil telekommunikasiya sahəsində ölkədə bir çox ilklərə imza atan şirkətdir. Şirkət fakturasız xətt sistem, mobil internet, mobil bank, mobil naviqasiya, avtomobillərin idarə olunması, BlackBerry həlləri, 4G, Asan İmza, cihazdan- cihaza (M2M), bir nöqtədə üç xidmət konsepsiyası (Azercell Ekspres ofisləri), fasiləsiz çalışan telefon mərkəzi, həftədə 7 gün çalışan Ön Masa müştəri xidmətləri, korporativ abunəçilər üçün müştəri xidmətləri, təcili onlayn müştəri xidmətləri və s. innovasiyaları təqdim edən ilk mobil operator olmuşdur. Şirkət yalnız, Azərbaycan deyil, bütün regionda ilk dəfə olaraq 4G texnologiyasını tətbiq edən mobil rabitə operatorudur.

Fəaliyyətinin 20-ci ilində bir çox uğurlara imza atan və «Azercell-lə həyat daha gözəldir» deyən şirkəti bu xoş gündə rəqibləri belə özəl jestlə təbrik edib.


Biz də Technimum.com olaraq, 20 illik yubileyini qeyd edən «Azercell» kollektivini və abuməçilərini təbrik edir bundan sonrakı fəaliyyətdə də uğurlar diləyirik.

Aid olduğu bloglar

Azercell

Azərbaycanın ən böyük GSM operatoru Azercell`in blogu.

Oxucuları
28
Başlıqları
168
Reytinq
1.13

0 şərh

Yalnız qeydiyyatlı istifadəçilər şərh yaza bilər